Kodiliornermut pikkorissaaneq – Nuummi meeqqat atuarfiini ilinniartitsisunut neqeroorut

Pikkorissaanerit 2021-mi februaarimit maajimut marlunngornerit tamaasa nal. 14:00-ip 15:45-illu akornanni pisassapput. Holdi ilinniartitsisunit ikinnerpaamik qulinit amerlanerpaamillu 15-init peqataaffigineqartussaq peqataasussatut nalunaarutigisinnaavarsi. Pikkorissaanerit tamarmik 1 tiimimik 45 minutsinillu sivisussuseqassapput.

Pikkorissaanermi kodiliorneq suunersoq aammalu kodiliornerup atuartitsinermut ilanngutitinnissaa sooq pingaaruteqarnersoq paasisaqarfigissavasi. Kodiliorneq fagini trininilu assigiinngitsuni atorneqarsinnaavoq, kodiliornerullu fagissinnut qanoq ilanngutitinneqarsinnaanera pillugu oqallinnissassinnut periarfissinneqarumaarpusi.

Pikkorissarnerit ilinniartitsisut peqataaffigisinnaasaat assigiinngitsut pingasuupput:

1. Analogimik kodiliorneq, nukarlernut akullernullu tulluartoq
2. Probot atorlugu digitalimik kodiliorneq, akullernut angajullernullu tulluartoq
3. Dash & Dot atorlugu digitalimik kodiliorneq, nukarlernut akullernullu tulluartoq

Analogimik kodiliornermi allungiartorfiusat ”Lad os kode”-t Ilinniartitaanermut Aqutsisoqarfimmut atorniarneqarsinnaasut atorneqassapput.

Probot atorlugu kodiliornermi biileeqqat eletroniskiusut Ilinniartitaanermut Aqutsisoqarfimmut atorniarneqarsinnaasut atorneqassapput.

Dash & Dot atorlugu kodiliornermi robotiaqqat marluk Ilinniartitaanermut Aqutsisoqarfimmut atorniarneqarsinnaasut atorneqassapput.

Atortussat taaneqartut atuarfiit namminneerlutik uani pissarsiarisinnaavaat: https://www.podconsultsbutik.dk/

Peqataanissamut nalunaarneq

Peqataanissamut nalunaarnermi siulliullutik nalunaartut pingaarnerpaatinneqassapput. Pikkorissaanissaq sapaatip-akunneranik ataatsimik sioqqullugu peqataanissamut nalunaarsinnaaneq qaangiutissaaq. Attaveqaataasussamik ilinniartitsisoqatini sinnerlugit peqataanissamut nalunaaruteqartussamik toqqaassaasi. Taamaalilluni ilinniartitsisoqatini sinnerlugit attaveqaataasussaq Ilinniartitaanermut Aqutsisoqarfiup pikkorissartussallu attaveqaqatigiittarnerannut akisussaasunngussaaq, peqataasussaajunnaartoqaraangallu ilaatigut nalunaarutiginnittassalluni.

Peqataanissamut nalunaarneq ila@nanoq.gl-imut emailimik nassiussinikkut pissaaq. Nalunaarnermi makku ilisimatitsissutigineqassapput:

1. Peqataasussat amerlassusiat
2. Pikkorissaanerup qallunaatut kalaallisulluunniit imaluunniit oqaatsit marluk atorlugit ingerlanneqarnissaanik kissaateqarneq
3. Attaveqaataasussap oqarasuaataata normua

Pikkorissarnerit tamarmik Ilinniartitaanermut Aqutsisoqarfiup Makerspaceani Kissarneqqortuunnguaq 20-miittumi pissapput. Ilinniartitaanermut Aqutsisoqarfiup atortussat isumagissavai, peqataasussallu pappialat allannermullu atortut namminneq isumagissavaat.

Pikkorissaanerit ullui uani takukkit:

https://attat-my.sharepoint.com/:x:/g/personal/glmajah7_attat_gl/EXIZ7k4v0m5LmVS3EyWkxd4BiQvxENb9bXGsFqkbOSbk-w?e=kBsE9g