Kalaallit Nunaat tamakkerlugu akullerni atuartut periarfissaqarput unammisitsinermut peqataassallutik. Unammisitsinermi qulequtarineqarpoq Ukiumi silami sammisartakkat, tassa ukiuunerani meeqqat silami suut sammisarpaat.
Periarfissaavoq atuartut klassimi atuaqatigiillutik filmeeraliussallutik imaluunniit assinik katitikkanik nassiussissallutik.
Filmit/assilisat tassaassapput meeqqat ukiuunerani silami sammisartagaat. Sisorarnerit, qimussernerit, apuserinerit assigisaallu.
Filmeeraliornerit/assiliinerit atuarnerup nalaani suliarineqarsinnaapput.
Piumasaqaatit
Angajoqqaat nalunaarummik akuersinerat immersornikoq tunniussinermi ilanngunneqassapput.
Uani angajoqqaat atsiugassaat aajuk.
Filmeeraliorneq:
Filmeeraliaq sivisunerpaamik minutsinik pingasunik sivisussuseqassaaq. Nammineq sanaanik nipitalersorneqarsinnaavoq sunniiniutinillu allanik ilaartorneqarsinnaalluni. Piumasaqaataavoq atuartut namminneq peqataallutik filmeeqqamik immiussissasut.
Assinik katiterineq:
Annerpaamik A4-t marluk assinik allatanillu imaqassapput.
Nassiussinissaq
Nassiunneqartut misissorluarneqassapput atuartullu pilersitaat nalilersorneqassapput uku tunngavigalugit:
Nassiunneqartut Ilinniartitaanermut Aqutsisoqarfiup Facebookiatigut nittartagaatigullu Iserasuaat.gl-kut saqqummiunneqarsinnaapput, siunertaralugu ilinniartitsisut teknologii atorlugu atuartitsinermik isumassarsiorfigisinnaasaattut.
Suliaq kingusinnerpaamik marsip 31-ani 2021 nassiunneqassaaq. Ilinniartitsisut Teams aqqutigalugu nassiussissapput. Ilinniartitsisut Unilogin-nertik atorlugu Teamsimut isissapput, Teamsimullu ilaasortanngornermi ikg61vw isissutigineqassalluni. Qanoq iliornissamik ilitsersuusiaq ugguuna takuuk.
Teamsikkut tunniussinissaq pillugu apeqqutissaqaruit Ilinniartitaanermut aqutsisoqarfimmut Manumina Jakobsenimut mailersinnaavutit: maja@nanoq.gl imaluunniit 346205-mut sianerlutit.
mitCFU-mi filmit tv-kkullu aallakaatitat 45.000-nit amerlanerusut meeqqat atuarfianni ilinniarnertuunngorniarfinnilu atuartunut naleqquttuutitat isiginnaarsinnaavatit.
Aamma atuartitsinissamut ilitsersuutit atuartitsinerpit nalaani atorsinnaasatit 2.200-nit amerlanerusut nanisinnaavatit.
Ilinniartitaanermut Aqutsisoqarfiup efterskolenut ingerlatsivia, ilinniartitaaneq pillugu paasititsiniaanermut 2023-mi ingerlatsisoqarnissaanut, ilinniakkamik saqqummersitsisoqarnissamut peqataassaaq.
Tamakkerlugu atuarukSapaatip-akunnerani 39-mi klima pillugu sammisaqarnissaq 8. klassimit 10. klassimut atuartut klimap allanngoriartornerata Issittumut nunarsuarmullu sunniutipilui pillugit ilinniarfigisassaat aallartissaaq. Atuartut klima pillugu oqallinnerit pillugit ilisimatinneqartarnissaminnut pisinnaatitaaffeqarnertik, oqallinnerni taamaattuni tusaaneqartussaanertik oqallinnernullu taamaattunut peqataatinneqarsinnaanertik ilisimassavaat.
Tamakkerlugu atuarukKissaatigaarput ilinniartitsisut, atuartut, angajoqqaat atuarfimmilu aqutsisut ukioq atuarfiusussaq 2023 aallartilluassagaat atugarissaarnissaq pimmatiginnittarnerullu akiorneqarnera ukkataralugit. Pimmatiginninneq akiorniarlugu suliniuteqarnermi siunnersuutitsialaat arfinillit takukkit, aammalu atuartuutissi qanoq pitsaanerusumik atugarissaartinneqarsinnaanerunersut.
Tamakkerlugu atuarukNuna tamakkerlugu meeqqat inuusuttullu siorna nuna tamakkerlugu pimmatiginninneq akiorniarlugu periusissiamut atatillugu logoliornermik unammisitsinermi peqataapput. Maanna meeqqat suliaat unammisitsinermi suliat 30-usut Nunatta Atuagaateqarfiani saqqummersinneqarneranni ammaanersiornermi peqataasinnaavutit, Hinnarik Kammanilu nipilersussapput pimmatiginnittarnerlu pillugu oqaloqatigineqarsinnaassallutik.
Tamakkerlugu atuaruk