airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Danmarkimi efterskolertarneq pillugu nittartakkakkut paasissutissiivik nutaaq

Ilinniartitaanermut Aqutsisoqarfiup Danmarkimi efterskolertarneq pillugu nittartakkakkut paasissutissiivik (portali) nutaaq saqqummerseqqammerpaa.
12. maj 2021

Ilinniartitaanermut Aqutsisoqarfiup Danmarkimi efterskolertarneq pillugu nittartakkakkut paasissutissiivik (portali) nutaaq saqqummerseqqammerpaa.

Portaalikkut saaffigineqartut tassaapput atuartut angajoqqaallu efterskolilertussanik atuartuuteqartut
kiisalu atuarfimmi ilinniartitsisut siunnersuisartut / aqqutissiuisut. Portaali Danmarkimi attaveqaatitut
angajoqqaanit efterskolinillu, kalaallinik atuartuuteqartussanit, atussallugu aamma naleqquttuuvoq.

Portaalip imarai Danmarkimi efterskolertarneq pillugu paasissutissat kalaallisut oqaasertallit siulliit annertunerusut.

Portaalimi ilaatigut siunertarineqarput atuarfimmi atuartunut angajullernut Danmarkimi efterskolertarneq pillugu siunnersuisarnermik annertusaaqataanissaq, Danmarkimi efterskolertarneq efterskolinullu qinnuteqartarneq pillugu paasissutissiinissaq kiisalu angajoqqaat atuartullu efterskolemik eqqortumik toq-qaasarnissaannut ikorfartuinissaq.

Ilinniartitaanermut Aqutsisoqarfiup neriuutigaa pingaartumik atuartut angajoqqaallu portaalimi Danmarkimi efterskolertarneq pillugu paasissutissanik annertuunik nassaarsinnaassasut, atuartut angajoqqaallu taamaalillutik Danmarkimi efterskolernissamut piareersarluarniassammata. Ilinniartitaanermut Aqutsisoqarfiup aamma neriuutigaa taamatut paasissutissiinikkut ungasinnerusoq eqqarsaatigalugu kalaallit Danmarkimi efterskolertut taamaatiinnartartut ikiliartorumaartut.