Siorna UNICEF Extreme-E-illu Ilinniartitaanermut Aqutsisoqarfik qanimut suleqagalugu ilinniusiat suliaraat. Maanna ilinniusiat Ilinniartitaanermut Aqutsisoqarfimmut tunniunneqarnikuupput, taamaattumillu ilinniusiat Ilinniartitaanermut Aqutsisoqarfimmit nutarterneqarsimalerput. Taakkulu aallaavigalugit suliaqanissarsi qilanaarisinnaavarsi.
Ilinniartitaanermut aqutsisoqarfik sapaatip akunnerani 39-mi silap pissusiata allanngoriartorneranut meeqqallu pisinnaatitaaffiinut tunngasunik sammisaqarfiusussamut sapinngisamik atuarfiit amerlanerpaat peqataanissaat kajumissaarutigivaa. Peqataasut amerlasuujuneratigut silap pissusaanut tunngasunik oqalliseqataanikkut meeqqat inuusuttullu isummersoqataasinnaaniassapput. Meeqqat inuusuttullu isummersornissaminnut pisinnaatitaaffeqarput taamatuttaaq uagut inersimasut taakku isummersuutaannik tusaaniarnissatsinnik pisussaaffeqarluta. Inuit pilersitaannik silap pissusiata allanngoriartorneranut ataatsimoorluta unikaallatitsinniaqataasariaqarpugut.
Maluginiagassaq:
Malugisiuk internetsimi videot Atuartup atuagaani/Elevhæfte-mi qupperneq 48 aamma 53 kiisalu Ilinniartitsisumut Ilitsersuummi qupperneq 57 aamma 61 aaneqarsinnaajunnaarsimammata. Taartissarsiuunnerat sulissutigivarput. Tamanna ajuusaarutigivarput. Taakku videot atornissaannut akuerineqarnikuugaluarpugut peerneqarsimaneranilli ajoraluartumik ilisimatinneqarata.
Atortussiat nutarterneqarneranni suliassat sorliunissaat qanorlu tulleriinnilersornissai ilinniartitsisup kiffaanngissuseqarnerulluni katitersinnaavai. Ukioq manna nuna tamakkerlugu ataatsimiinnerit atussanngillat. Sapaatip akunnera silap pissusianut tunngasumik imalik ingerlalluarisiuttoq.
Iserfissat
Ilinniartitsisumut ilitsersuut
Atuartup atuagaa
Annertunerusumik paasisaqarniaruit, attavigiuk:
Atuarfinnut siunnersorti Ane Fleischer
Email: afle@nanoq.gl
Oqarasuaat: (+299) 34 62 02
