Atuarfik Mathias Storch Ilulissaniittoq piviusulersaarutinik nangeqattaartunik kalaallinit suliaasunik ATUAQATIKKA-mik taaneqartunik, septembarip ulluisa 27-anni aallakaatinneqaqqaartussanik, suliaqartoqarnissaanik periarfissiisimavoq. Nangeqattaartulianik taamaattunik Kalaallit Nunaanni siullerpaamik suliaqartoqarpoq.
Nangeqattaartuni qulingiluanik immikkoortoqartuni Atuarfik Mathias Storchimi atuaqatigiit 5. klassimi atuartut malinnaavigineqarput, atuarfiullu atuaqatigiinnut qanoq sunniuteqartigisarnera takutinneqarluni.
Meeqqat isumaqarput atuaqatigiit ataatsimoornerannut peqataasarsinnaasuugunik nuannissagaluartoq, taamaattoq assersuutigalugu eqaarsaarnermik nalaani kamaattoqartillugu atuaqatimilluunniit avataanniittutut misigitillutik ataatsimoorniarnerup ajornartassusia misigisinnaasarpaat.
Nangeqattaartutigut atuarfiup ajunngitsutigut ajortutigullu qanoq sunniuteqartigisinnaasarnera takutinneqarpoq. Atuarfimmimi ikinngutit ilagineqartarput, tamaanilumi imminik ilinniarnerup saniatigut allanut atassuteqartarneq misigisassarsiorfiusarpoq.
Piviusulersaarutit atuartitsinermut atorusuppigit?
Piviusulersaarutit atuartitsininnut atorusukkukkit immikkoortui uani nanisinnaavatit: https://knr.gl/kl/knr-tv.
