Inatsisartut 2019-imi upernaakkut ataatsimiinnerminni aalajangiuppaat, meeqqat inuusuttullu ilinniartoqarfiini tamani, tassalu ulluunerani paaqqinnittarfinni, meeqqat atuarfiini inuusuttullu ilinniarfiini, pimmatiginnittarneq akiorniarlugu nuna tamakkerlugu periusissiamik ineriartortitsisoqassasoq.
Taamanikkut Naalakkersuisuusimasut kissaatigaat meeqqanut suli atualinngitsunut imikkoortortaqarfinni, meeqqat atuarfianni kiisalu inuusuttut ilinniarfiini tamakkiisumik isiginnittumik periusissiamik suliaqartoqassasoq, pinngitsoornanilu siammasissuussasoq tamatigoortuullunilu. Suliap ingerlanneqarnerani Naalakkersuisut, kommunit allallu susassaqarfiit akimut suleqatigiilluinnarlutik pinissaat pisariaqarpoq, Ilinniartitaanermut Aqutsisoqarfik suliniummut akisussaasoralugu ataqatigiissaarisoralugulu pimmatiginnittarneq akiorniarlugu pitsaaliuinissamik akiornissaanullu suliaqassaaq.
Periusissiaq pimmatiginnittarneq pillugu ilisimatusarnermit nutaanerpaamit kiisalu nunatsinni meeqqat, inuusuttut inersimasullu akornanni pimmatiginnittarneq pillugu misissuinernit tunngaveqarpoq.
Periusissiami pimmatiginnittarnermik akiuiniarnermik suliaqarneq sammineqarpoq, tamanna inuiaqatigiit ataatsimut susassaralugulu akisussaaffigisaat. Suliamik aallartisaaneq august 2022-miit ingerlanneqalissaaq, ukiunilu pingasuni sivisussuseqassalluni. Ukiut pingasut siulliit suliassat atuutsikkiartuaarneqalerfissaattut isigineqassapput, innersuussutit aallaavigalugit sammisaqartitsilluni suliniutit aallartisarneqassapput, Kalaallit Nunaanni najugaq aallaavigalugu sumiiffinni assigiinngitsuni ingerlanneqalerlutillu ataatsimut aaqqissugaassallutik.
Pimmatiginninneq akiorniarlugu periusissiaq
Periusissiaq pimmatiginnittarneq pillugu ilisimatusarnermit nutaanerpaamit kiisalu nunatsinni meeqqat, inuusuttut inersimasullu akornanni pimmatiginnittarneq pillugu misissuinernit tunngaveqarpoq.
Periusissiaq aajuk
Pimmatiginninneq akiorniarlugu periusissiaq
Periusissiaq pimmatiginnittarneq pillugu ilisimatusarnermit nutaanerpaamit kiisalu nunatsinni meeqqat, inuusuttut inersimasullu akornanni pimmatiginnittarneq pillugu misissuinernit tunngaveqarpoq.
Pimmatiginninneq akiorniarlugu periusissiap eqikkarnera
Maanna periarfissaqalerpusi Pimmatiginninneq akiorniarlugu periusussiaq oqinnerusumik naannerusumillu atuassallugu. Meeqqanut suli atualinngitsunut, meeqqat atuarfiinut inuusuttullu atuarfiinut tunngassuteqarpoq.
Eqikkaanermi innersuussutit sammineqarput, kiisalu periusissiami tunngaviusumik pimmatiginninnermut paasinnittariaatsit pingaartitallu atuarneqarsinnaallutik. Suliamut tunngasut oqaatsit atorneqartut, isumai oqinninngorlugit allataapput.
Karen Mathiesen
Teamleder/atuarfinnut siunnersorti Pimmatiginninneq akiorniarlugu periusissiaq
(+299) 34 62 10
Kingullermik nutarterneqarpoq: 21. august 2024