Isummarsiorfissaq:
- Pimmatiginnittarneq pillugu politikkersi (imaluunniit atuartut pitsaasumik atugaqartitaanerminnik misiginissaannut politikkersi) takussaasunngorlugulu malugineqarsinnaalersissiuk.
- Pimmatiginnittarneq akiorniarlugu sulinissinnut atuartut peqataatissigit. Oqaaserisaat isumassarsiaallu atorsigit.
- Ataatsimoortarnermi naleqartitasi atuarfimmi pisartuni malunnaatilinni (atualeqqaarnermi, juullimut naggataarnermi, atuarfiup nalliuttorsiornerani allanilu) ersersittarsigit.
- Ataatsimoortarnerit akaareqatigiiffiusunngortinniarlugit ataatsimoortarnernilu kikkulluunniit oqartussaaqataalersinniarlugit suliniuteqaritsi. ASSIGIINNGISSUSEQ nukittussutsitut saqqummiuttarsiuk. Atuartitsisarneq atuartunik ataatsimoorfiulersitsiniarfigisiuk (tamanna aamma didaktikkimik ataatsimuulersitsisumik taaneqartarpoq).
- Angajoqqaat sinniisaat pimmatiginnittarnermik akiuiniarnissinni suliassaqartissigit.
- Pimmatiginnittoqartarpat pimmatiginnittoqartarneranilluunniit pasitsaassaqartoqarpat tamanna ilinniartitsisoqatigiit suleqatigiissutigisariaqarpaat – suleqatit suliassami tamatumani kisimiisissanngilat.
- Allatatigut, saqqummiussinertigut, filmitigut suliassatigullu pimmatiginnittarnermik sammisaqartitsisarit (ass. Inuttut inerikkiartornermi, kalaallisut, qallunaatut, tuluttut inuiaqatigiilerinermilu atuartitsinerni).
