airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Majoriaq aqqutigalugu højskolerneq

Danmarkimi højskolernikkut inoqatigiinnikkut inuttullu piginnaasanik inerikkiartortitsinissamut periarfissaqarluarpoq. Danmarkimi højskolinik assigiinngiiaartorpassuarnik ISN suleqateqarpoq.

Ilitsersuut uunga iserasuaat.gl - Majoriaq aqqutigalugu højskolerneq

 

Qallunaat Nunaanni højskolit syttenit Majoriami ilinniartut højskolertittarnissaat pillugit ISN isumaqatigiissuteqarpoq. Højskolit ilisarnaataat siammasittuupput, ileqquliussaasutut folkehøjskolinit assassorluni eqqumiitsuliorfiit inuusuttunullu højskolit aqqusaarlugit timersornermik højskolit ilanngullugit.

Højskolerneq inuttut inoqatigiinnilu piginnaanngorsarneruvoq
Inuusuttorpassuit utoqqaallu imminut tatigissusertik inuillu allat peqatigineri ajornartorsiuteqarfigaat. Inunnut taakkununnga iliuusissaq tassaasariaqarpoq inuttut inoqatigiinnilu piginnaasaasa qaffassarnissaat. Siunertamut tassunga højskolit piukkunnavissorput. Inunnik nunat allaneersorpassuarnit peqateqarnissap kalaallit højskolertut soqutigisaqartariaqartillugillu naapitaqarniarnissaannut pinngitsaalivai.

Aamma oqaatsit ilinniarneqarput!
Inuppassuarnik kalaaliunngitsunik peqateqarnermikkut Majoriami ilinniartut højskolimi ikinngutiminnik attaveqarniarunik qallunaatut tuluttullu oqaluttuariaqarput. Taamaalilluni højskolimi inoqatigiinni attaveqatigiinneq ilinniartut oqaasiisa pitsanngorsinissaannut aamma aallaaviulerpoq.

 

Qallunaat nunaanni højskole - Ilitsersuinermut filmi

vejledning

Kingullermik nutarterneqarpoq: 03. august 2021