Aggustip ulluisa aallaqqaataat 2023 aallarnerfigalugu atuarfimmi atuartitsissutini atuartitsissutinilu qanitariissuni alloriarfiit siunertaat kiisalu atuartitsissutit siunertaat ilikkagassatullu anguniagassat pillugit Namminersorlutik Oqartussat nalunaarutaat nr. 38 juulip 26-anneersoq atuutilerpoq.
Ilikkagassatut anguniagassat nutartikkat erseqqissarluagaapput oqilisagaallutillu ilikkagassatullu anguniagassanut 2003-meersunut naleqqiullutik ikileriarneqangaatsiarsimallutik. Ilikkagassatut anguniagassat piginnaasassatut anguniagassatut pingaarnertut ilusiligaapput. Piginnaasaqarnerlu ilisimasaqarnermik, pikkorissusermik misilittagaqarnermillu paasineqassaaq. Ilikkagassatut anguniagassat unioqqutitassaanatik anguniagassiissutigineqartussaatitaapput.
Ilikkagassatut anguniagassanut tapiliussatut ilisimasassatut piginnaasassatullu anguniagassanut ilitsersuusiisoqarpoq alloriarfinni tamani atuartitsinerni atorneqarsinnaasunik.
Ikaarsaariarnermi aalajangersakkat
Nalunaarummut nutartikkamut atatillugu ikaarsaariarnissamut aalajangersaasoqarpoq. Tamanna isumaqarpoq:
- ukiumi atuarfiusumi 2025-2026-mi 1. klassinit 9. klassinut atuartunut atuarfimmi atuartitsissutini atuartitsissutinilu qanitariissuni alloriarfiit siunertaat kiisalu atuartitsissutit siunertaat ilikkagassatullu anguniagassat pillugit Namminersorlutik Oqartussat nalunaarutaat nr. 38 juulip 26-anni 2023-meersoq atuutissasoq.
- ukiumilu atuarfiusumi 2025-2026-mi 10. klassimut atuartunut Atuarfimmi atuartitsissutini atuartitsissutinilu qanitariissuni alloriarfiit siunertaat kiisalu atuartitsissutit siunertaat ilikkagassatullu anguniagassat pillugit Namminersornerullutik Oqartussat nalunaarutaat nr. 16. juunip 24-anni 2003-meersoq atuutissasoq.
Ilikkagassatut pilersaarutinut tunngasunik apeqqutissaqaruit aqutsisoqarfimmi siunnersortit fagimut attuumassutillit saaffigisinnaavatit.