Pimmatiginnittarneq atuarfimmi qanoq akiorniarneqartarpa? - Ilinniartitsisunut atuarfiullu aqutsisuinut siunnersuutit
Atuarfissinni pimmatiginnittoqartarneranik ajornartorsiuteqarpisi, imaluunniit pimmatiginnittoqartarneranik pasitsaassaqarpisi? – Akuliunnissamut siunnersuut aana, parentesmetodimik taaneqartartoq, alloriarfinnik tallimanik imalik (Hansen 2015).
Indhold
Periaaseq taanna atuartunut ataasiakkaaginnarnut tunngatitaanngilaq, pimmatiginnittarnerujussuarli atuarfeqarfimmut tamarmut unammilligassaqalersitsisarmat periaaseq atuaqatigiiaanut tunngatitaavoq.
Periaaseq taamaattoq ’pimmatiginnittarneq pillugu isiginneriaatsimik nutaamik’ tunngaveqarpoq, tamatumani pimmatiginnittarneq ataatsimoornikkut atorunnaarniagassatut isigisaalluni, taamaattumillu atuaqatigiit ataatsimoortillugit suliniarfigineqassallutik.
- Tusarnaarit. Atuartut, angajoqqaat suleqatitillu oqaluttuartut tusarnaakkit.
- ’Qanoq’ atorlugu apersorit: ”Qanoq pisoqarami?” / ”Qanoq oqartoqarami?” / ”Kina qisuariarami, aamma qanoq qisuariarpa?”. ’Qanoq’ atorlugu apersornermi pisoq pillugu paasissutissanik assigiinngitsullu isumaannik amerlanerusunik paasisaqarniarneq siunertaasarpoq.
- Pisoq pimmatiginninnertut pimmatiginninnginnertulluunniit peqqaataanit inernileriissanngilat.
Atuaqatigiit saanneqassapput. Atuaqatigiit akornanni qaangerniagassaqarpisi? Ass. makkununnga alapernaannerusinnaavusi:
- Atuaqatigiit ikinngutigiiaanut aalajangersimavissunut agguataarsimappat? Ilaqarpat ikinngutigiiaat arlaannaannulluunniit ilaanngitsumik?
- Maannakkut atuartut sammisartagaat soqutiginerusaallu suuppat? Tamakku pimmatiginnittarnerup atorunnaarsinniarneqarnissaanut atorneqarsinnaappat?
- Atuaqatigiit akornanni imaluunniit atuartut ilinniartitsisullu akornanni akerleriinnitoqanngorsimasunik akerleriinneqarpa?
- Atuartut ilinniartitsisullu klassimi (atuarfimmilu) atassuteqartarnerat qanoq ippa?
- Atuartoqarpa atuarfimmi pitsaasunik atugaqartitaasutut misiginngitsunik?
- Angajoqqaat peqatigiillutik atuaqatigiinnut tapersersuippat?
- Ikinngutigiiaat aalajangersimavissut atuaqatiminnik tikilluaqqusineroqqullugit kajumissaarsigit.
- Pimmatiginnittarnerupunitsinneqarnissaa pillugu paasinartunik OQALUTTARITSI. Pimmatiginnittarnerit unitsinneqartussat pillugit assersuuteqartaritsi.
- Atuaqatigiit qanoq iliorlutik ataqatigiilluarnerulernissaminnut isumassarsiaat ilanngussigit.
- Atuartut pimmatigineqartunik takugaangamik qanoq akuliuttarnissaannut isumassarsiaat ilanngussigit.
- Atuartitsinermi sammisassat qanoq iliortoqarneratigut atuaqatigiinnik ataatsimoornerulersitsisinnaanerat isumaliutigisiuk (tamanna aamma didaktikkimik ataatsimuulersitsisumik taaneqartarpoq).
- Atuartut ilinniartitsisullu kajumissaarsigit akerleriinnerit pisimasut qaangerniaqqullugit, atassuteqarnermillu pitsaasumik aallarniiniaqqullugit.
- Angajoqqaat atuaqatigiinnut tapersersuisaqqullugit kajumissaarsigit (angajoqqaat sinniisaat atorneqarsinnaapput).
- ’Uagut atuaqatigiiusugut’-mik qanoq iliorluni nukittunerulersitsinissamut takorluuisinnaassusersi atorsiuk.
Aaku oqaaseqatigiinnut aallarniutaasunut isumassarsiffiusinnaasut:
- Atuartumik pimmatigineqarsimasumik oqaloqateqarneq – ”Maanna iliuuseqarnialerpugut”. ”Tapersersorpatsigit”. ”Pisariaqartikkukku oqaloqatiginnga”...
- Pimmatiginninnerpaasartunik oqaloqateqarneq – ”Pimmatiginnittarnersi maannangaaq UNITSISSIUK”. ”Atuaqatigiit ikinngutigiinneranut qanoq iliuuseqarsinnaanersi pillugu isummersoritsi”.
- Pimmatiginnittoqarnerani isiginnittunik oqaloqateqarneq: ”Sooruna Ivalu pimmataasoq takugaluarassiuk akuliutinngitsusi?” ”Taamaattoqaqqissappat ilanngussinnaasusi tatigaassi”.
Pimmatiginnittarnermik akiuiniarnermi isummersorneq, piffissaq, naammagittarneq atuartullu peqataatitaanerat pisariaqartuupput. EQQAAMALLUGU sammisaqartitsisimagaangassi nakkutiginnittassagassi. Assersuutigalugu makku nakkutigisinnaavasi:
- Atuartunik oqaloqatiginninnerit ingerlatiinnarneqarnissaat. EQQAAMALLUGU pimmatiginnittunittaaq isiginnittoqartarmat.
- Atuartut peqatigeeriaasiat nakkutigisarsiuk, allallu nakkutiginninnerminnit paasisaasa suunerinik suleqatigiillusi ilisimatitseqatigiittarlusi.
- Suli allanik suliniuteqartoqassanersoq isumaliutigisiuk.
Kingullermik nutarterneqarpoq: 12. august 2025