Mobbekompas og logoer
Indhold
Antimobbekompassi
Pimmatiginnittarneq akiorniarlugu nuna tamakkerlugu periusissiaq paasisaqarfigerusukkukku tunngaviusulluunniit pingaarnerit sisamat paasisaqarfigerusukkukkit antimobbekompassi, kalaallisut qallunaatullu allassimasortalik A3-tut A4-tulluunniit aniatinneqarsinnaanngorlugu suliarisimasarput, atoruk.
Antimobbekompassi A3-tut aaguk (KAL)
Antimobbekompassi A4-tut aaguk (KAL)
Antimobbekompassi A3-tut aaguk (DK)
Antimobbekompassi A4-tut aaguk (DK)
Kingullermik nutarterneqarpoq: 12. august 2025
Indhold
Pimmatiginnittarneq pillugu logoliat
Pimmatiginnittarnermik akiuiniarneq peqatigiinnerlu pillugit Ilinniartitaanermut Aqutsisoqarfiup 2022-2023-mi unammisitsineranit titartakkat.
Ulluunerani paaqqinnittarfinni atuarfinnilu qanoq atorneqarsinnaappat?
2022-mi Ilinniartitaanermut Aqutsisoqarfik ilisarnaasiortitsilluni nuna tamakkerlugu meeqqanik inuusuttunillu unammisitsivoq. Siunertaasoq tassaavoq ilisarnaatit pimmatiginnittarnermik akiuiniarluta sulinitsinnut atorneqarnissaat.
100-nit amerlanerusunik nassiussarsivugut. Taakkunannga 30-t sulinitsinnut immikkut tulluartuusorisavut toqqarpavut, maannalu matuma ataani saqqummiullugit. Ilisarnaatit ulluunerani paaqqinnittarfinnut, atuarfinnut Majorianullu assigiinngitsutigut isumassarsisitsisinnaapput.
Aaku siunnersuutigineqartut arlariit:
Pimmatiginnittarnermik akiuiniarnissinni suliniutigisarsi nammineerlusi ilisarnaasiornissigut erseqqissassavarsi. Ilisarnaasiortitsillusi unammisitsigitsi.
Aallaqqaammut ilisarnaatit Ilinniartitaanermut Aqutsisoqarfimmeersut takutikkit, taavalu meeqqat inuusuttullu peqatigalugit oqaloqatigiissutigalugit.
Siunnersuutigineqarsimasunit takutinneqartoq aalajangersimasoq ataaseq toqqarsimagaluarussiulluunniit siunnersuutigineqartut ass. piffissap ilaani saqqumisussanngorlugit saqqumisussanngorsigit, taamaasiornikkut saqqummersitat assigiinngissusii kikkunnilluunniit takuneqarsinnaassammata.
Ilisarnaatit Ilinniartitaanermut Aqutsisoqarfimmeersut suli atualinngitsut atuartullu nukarliit pimmatiginnittarnermik akiuiniarlutik titartaanissaannut isumassarsiorfiusinnaapput.
Meeqqat tamarmik pimmatiginnittarnermik akiuiniarneq ikinngutinnersumillu peqatigiittarneq pillugit titartaanissamut qaaqquneqassapput.
Titartaanissaq sioqqullugu perorsaasut ilinniartitsisulluunniit meeqqerivimmi atuarfimmilu ikinngutaalluarnerup qanoq isumaqarnera pillugu oqaluttuassapput.
Titartakkat isumassarsiaq pillugu nassuiaatitallit piffissap ilaani nivingatinneqarsinnaapput, taamaasillutik allat taakkunannga isumassarsisinnaassammata. Aamma titartakkat nittartakkani, allakkani allanilu atorneqartussatut assilineqarsinnaapput (taamaaliussagussi eqqaamasiuk tamanut saqqummiussiniarnermi meeraq akuersitinneqaqqaassammat).
Ilisarnaatit inuusuttuaqqanit inuusuttunillu Ilinniartitaanermut Aqutsisoqarfimmut nassiunneqarsimasut atorsigit – assersuutigalugulu allaaserinnilluni suliassamik matuma kinguliiniittut najoqqutaralugit suliassillugit (uku angajullernut naleqquttuupput, atuartuutivillu ukioqqortussusiannut naleqquttunngorlugit allanngortitersinnaavatit):
- Ilisarnaammik toqqaagit.
- Ilisarnaat nassuiaruk (takutinneqartoq isummannik ilanngussinak nassuiaruk; qalipaatit ilutsillu sorliit atorneqarsimappat?)
- Ilisarnaat ilinnut qanoq isumaqarpa? (Takutinneqartoq pillugu isummatit uani allassinnaavatit.)
- Atuarfimmi atuartut akunnerminni pimmatiginnittarnerannut ilinniartitsisut qanoq iliuuseqarsinnaasoraagit?
- Atuartut atuarfimmi pimmatiginnittoqartarneranut qanoq iliuuseqarsinnaasoraagit?
- Pimmatiginnittarnermik akiuiniarnermut oqaasinnaarineqarsinnaasussarsiorit.
Ilisarnaatit aakkit
Unatoorukilisarnaatit unammisitsininngaanneersut aassagukkit (.zip-fil).