Misilitsinnerit pillugit
Fagini alloriarfinni misilitsiffigineqartuni ilikkagassatut siunertarineqartut tunngavigalugit atuartup atuarnerminit ilikkarsimasaanik nalilersuinermut alloriarfinni misilitsinneq atorneqartarpoq. Alloriarfinni misilitsinnerit ukiut tamaasa apriilimi pisarput, naleqq. Ukiumut pilersaarut.
Indhold
Misilitsinneq soraarummeernerunngilaq – censoreqassaangilaq aamma karaktereqassanngilaq. Misilitsinneq atorneqassaaq atuartut ataasiakkaat piginnaasaannik suliaannullu tunngatillugu ineriartornerannik naliliinissamut, misilitsinerullu inernera atuartunut ataasiakkanut atuartitsinermut pilersaarusiornermullu tunngaviussallutik.
3. Klassit ukunani alloriarfimmi misilitsissapput:
- Kalaallisut
- Danskisut
- Matematikki
7. klassit ukunani alloriarfimmi misilitsissapput
- Kalaallisut
- Danskisut
- Tuluttut
- Matematikki
Misilitsissutissat suliassanik ajornanngitsunik ajornarnerusunillu imaqassapput atuartut assigiinngitsut tamaasa eqqarsaatigalugit. Naatsorsuutigineqanngilaq atuartut tamarmik suliassat naammassisinnaassagaat. Atuartut kaammattorneqassapput ilungersuullugit, pisinnaasartillu tamaat atorlugu suliassat suliariniarsarissagaat. Misilitsinnerup inernera atorneqassaaq atuartup suliassaminut pisinnaanera ataatsimut isigalugu, qaffasissusiata nalillerneqarnissaanut, kingornalu atuartup atuartitaanissaanut toraagaqarluni pilersaarusiornissaanut.
Alloriarfinni misilitsinneq periarfissat arlallit ilagiinnarpaat:
- Angusakka
- Nammineq suliamik saqqummiinerit – 3. klassit
- Sammisamik aaliangersimasumik suliaqarneq – 7. klassit
Misilitsinnerit inerneri qulaanilu allassimasut atorneqassapput atuartup suliassaminut pisinnaanera ataatsimut isigalugu, qaffasissusiata nalilerneqarnissaanut, kingornalu atuartup atuartitaanissaanut toraagaqarluni pilersaarusiornissaanut.
Misilitsinnermut allaffeqarfik
Alloriarfinni inaarutaasumillu misilitsinnerit
Email: ilamisili@nanoq.gl
Oqarasuaat: (+299) 34 62 17 (+299) 34 62 94
Kingullermik nutarterneqarpoq: 12. august 2025