Matematikki
Matematikki faiguvoq atuartut 1. klassiniit 10. klassinut ingerlatassaat. Uani paasisaqarfigikkit Matematikkimi atuartitsinerup siunertaa, atuartitsinermut pilersaarusiat, isumassarsiorfiit aammalu Matematikkimi misilitsinnernut tunngasut.
Indhold
Siunertaa
Atuartitsissutip siunertaraa atuartut tunngaviusumik matematikkimi piginnaaneqalissasut. Atuartut atuartitsissummi taaguutinut tunngasunik sungiussissapput. Matematikkimi apeqqutit ulluinnarni inuunermut, inuiaqatigiinni inuunermut pinngortitamilu pissutsinut tunngasut paasinissaat suliarinissaallu atuartut sungiussimassavaat. Atuartitsinerup qulakkiissavaa atuartut atuartitsissutini allani ilinniaqqinnissaminnut pisariaqartunik, matematikkimi ilisimasassanik pisinnaasassanillu pigiliussinissaat.
Namminersornerullutik Oqartussat nalunaarutaanni alloriarfiit atuartitsissutillu siunertaat, ilikkagassatullu anguniagassat kap. 9-mi atuakkit.
Ikaarsaariarnermi aalajangersagaq ilanngunneqarpoq, taannalu malillugu atuartut ukiumi atuarfiusumi 2025-2026-mi 8. klassimi klassimiluunniit qaffasinnerusumi aallartittut, nalunaarummi pisoqqami aalajangersakkat naapertorlugit atuartinneqassapput. Imaappoq nalunaarut nutaaq taamaallaat atuutissasoq atuartunut ukiumi atuarfiusumi 2025-2026-mi 1.-9. klassini atualersunut.
Kingullermik nutarterneqarpoq: 8. august 2025
Kontaktperson
Karla Petrussen
Teamleder/atuarfinnut siunnersorti Matematikki, Inuiaqatigiilerineq
Email: karp@nanoq.gl
Oqarasuaat: (+299) 34 56 58
Ane Fleischer
Atuarfinnut siunnersorti Pinngortitalerineq, Matematikki
Email: afle@nanoq.gl
Oqarasuaat: (+299) 34 62 02