Pinngortitalerineq
Pinngortitalerineq fagiuvoq atuartut 1. klassiniit 10. klassinut ingerlatassaat. Uani paasisaqarfigikkit Pinngortitalerinermi atuartitsinerup siunertaa, atuartitsinermut pilersaarusiat, isumassarsiorfiit aammalu Pinngortitalerinermi misilitsinnernut tunngasut.
Indhold
Siunertaa
Atuartitsinerup siunertaraa atuartut pinngortitalerinermi piginnaasatigut ineriartortitsillutillu ilisimasaqalernissaat taamaalillutik atuartitsissummi suleriaatsit taaguutillu paasisimasaqarfigilerlugillu ilisimasaqarfigillualissagaat. Atuartut namminneq allallu isumannaatsuunissaannik peqqissuunissaannillu akisussaaqataasinnaanngornissaminnut ilisimasassarsissapput aamma sumiiffimminni nunarsuarmilu tamarmi avatangiisinik isiginnittaatsit tunngavigalugit akisussaaffeqartumik iliuuseqarnissamut toqqammavissaminnik. Atuartut qaammaasaqarfigilissavaat, inuit inooriaasiat iliuusaallu nunarsuarmi inuunermut sunniuteqartarmata.
Namminersornerullutik Oqartussat nalunaarutaanni alloriarfiit atuartitsissutillu siunertaat, ilikkagassatullu anguniagassat kap. 10-mi atuakkit.
Kingullermik nutarterneqarpoq: 16. juli 2026
Kontaktperson
Ane Fleischer
Atuarfinnut siunnersorti Pinngortitalerineq, Matematikki
Email: afle@nanoq.gl
Oqarasuaat: (+299) 34 62 02