Atuartitsinermut pilersaarusiat
Uani Pinngortitalerinermi atuartitsinissamut siunnersuutit takusinnaavatit.
Indhold
Angajullernut
"Fysikki atorlugu" tassaavoq atuartitsissutissatut siunnersuut angajullerni atuartitsinermi atorneqarsinnaasoq.
Fagi: Fysik
Nukarlernut
Atisat ukiorsiutit - ukiukkut atisat suut atussallugit tulluuppat pillugit atuartitsinermi sammitinneqarsinnaasut.
Nukarlernut atuartitsissutitut atorneqarsinnaasoq
Fagit:Kalaallisut / Pinngortitalerineq / Inuttut inerikkiartorneq
Nukarlernut
Atuartitsissutissanut aaqqissuussami atuartut immikkoortortaq siullermi ilisimatuuaqqatut sulissapput; misissussallugit sumi qanorlu uillut uumanersut, qanorlu isikkoqarnersut. Uillut immikoortitissavaat, kategorisererlugit, nalunaarsorlugit titartarlugillu. Suliap immikkoortortaata aappaani uillut pinnersaasiarissavaat.
Fagit: Pinngortitalerineq / Sumiifinni qinigassat
Akullernut
Faagit akimorlugit atuartitsinissamut aaqqissuussaq
Atuartitsinissamut aaqqissussaq, Charles Darwin atuartunut ilisaritinneqassaaq, paasisai taakkulu pingaassusai sammitinneqassallutik. Suliassissutinik aallaaveqarlutik atuartut GPS misilissavaat, nunallu assingi sumiissusersiornerlu paasiniaaffigalugit. Nunarsuup assinga suliaqarfigissavaat Darwinilu immakkut sumunnarsimanersoq paasiniaaffigalugu, taamaalillutillu paasiniaaffigalugit: allorniusat tukimukartut, allorniusat sanimukartut, nunarsuullu immikkoortortai.
Silarsuarmi angalagit Darwinilu 1
Fagit: Pinngortitalerineq / Inuiaqatigiilerineq
Akullernut / Angajullernut
Sammisaavoq ineriartornerup nassuiaataa, taasumalu ataani piukkunnarnerit ingerlaqqittarnerat (naturlig udvælgelse) aamma naleqqussarneq. Atuartut Galapagosit qeqertaanni Darwinip finkii assigiinngitsut sammissavaat, Kalaalli Nunaanni timmissanut assersuutissallugit. Suliami tassani atussavaat immikkoortiteriaatsit pinngortitalerinermi atortut nalinginnaasut, silarsuarmilu atorneqartartut.
Fagit: Pinngortitalerineq
Angajullernut
Faagit akimorlugit atuartitsinissamut aaqqissuussaq
Atuartitsinissamut aaqqissussaq, Charles Darwin atuartunut ilisaritinneqassaaq, paasisai taakkulu pingaassusai sammitinneqassallutik. Suliassissutinik aallaaveqarlutik atuartut GPS misilissavaat, nunallu assingi sumiissusersiornerlu paasiniaaffigalugit. Nunarsuup assinga suliaqarfigissavaat Darwinilu immakkut sumunnarsimanersoq paasiniaaffigalugu, taamaalillutillu paasiniaaffigalugit: allorniusat tukimukartut, allorniusat sanimukartut, nunarsuullu immikkoortortai.Tamakku saniatigut atuartut oqallisigissavaat eqqarsaatersorfigalugillu Darwinip eqqarsaatersuutai (teoriivi), inooqatigiinnermu, upperisarsiornermut ilisimatusarnermullu tunngatillugit.
Silarsuarmi angalagit Darwinilu 2
Fagit: Pinngortitalerineq / Upperisalerineq isumalioqqissaarnerlu / Inuiaqatigiilerineq
Akullernut / Angajullernut
Sumiissusersiorluni arpatitsineq akullerni angajullernilu (7.-9. kl.) klassit fagillu akimorlugit sammitinneqarsinnaavoq. Atuartut eqimattakkaarlutik arpatsinneqassapput.
Atuartunut sumiissusersiorneq aallaavigalugu arpatsitsineq
Fagit: Kalaallit, qaluunaat, tuluit oqaasii / Inuiaqatigiilerineq / Upperisalerineq isumalioqqissaarnerlu / Matematikki / Pinngortitalerineq
Kingullermik nutarterneqarpoq: 8. august 2025