Inuttut inerikkiartorneq
Inuttut inerikkiartorneq fagiuvoq atuartut 1. klassiniit 10. klassinut ingerlatassaat. Uani paaisaqarfigikkit Inuttut inerikkiartornermi atuartitsinerup siunertaa, atuartitsinermut pilersaarusiat aammalu atuartitsinermut isumassarsiorfinnut tunngasut.
Indhold
Siunertaa
Atuartitsinerup siunertaraa, atuartut atuarfiup ataatsimooqatigiiffiini akuersaartumik peqataanissartik ilinniassagaat. Aammattaaq atuartut namminneq periarfissatik nalilersorneri, anguniagassalerneq, pilersaarusiorneq kiisalu tunngavilersorluakkamik atuarnerminni ilinniaqqinnerminnilu qinersinissartik ilinniassagaat. Aammattaaq atuartut tarnikkut timikkullu peqqissumik inuuneqarnissamut piumasaqaataasut ilisimasaqarfigilissavaat, ilanngullugit ajornartorsiutit inuulluarniutinut aanngajaarniutinullu malittaasartut. Atuartut tunngaviusumik ilisimasaqarfigissavaat atuarfimmi, angerlarsimaffimmi, inuiaqatigiit akornanni, attaveqaqatigiiffinni pinngortitamilu isumannaatsuuneq. Atuartut aamma ilisimasaqarfigilissavaat ilaqutariinni, avatangiisini aningaasarsiornermilu sinaakkutarineqartut, inuiaqatigiit inuit ulluinnaannut sinaakkusiuttagaat kiisalu naleqartitani pisussaaffinnilu ilaqutariinni, suliffimmi aamma inuiaqatigiit ataatsimoorfiinut attuumassuteqartuni.
Namminersornerullutik Oqartussat nalunaarutaanni alloriarfiit atuartitsissutillu siunertaat, ilikkagassatullu anguniagassat kap. 12-mi atuakkit.
Kingullermik nutarterneqarpoq: 16. juli 2026
Kontaktperson
Naya Pedersen Lyberth
Atuarfinnut siunnersorti, immikkut atuartitsinermi, inuttut inerikkiartornermi, upperisalerineq isumalioqqissaarnerlu
Email: nasp@nanoq.gl
Oqarasuaat: (+299) 34 62 13