airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Aalajangersimasumik sammisaqarluni suliassaq - 7. kl.

Suliassaq pillugu

Aalajangersimasumik sammisaqarluni suliaqarneq atuartitsissutit atuartitsissutilluunniit qanitariissut arlallit ilikkagassatut anguniagassartaannut tunngasuussapput. 

Aalajangersimasumik suliaq aallartinnagu atuartut ilisimatinneqassapput nalilersuineq pissammat ataatsimoortumik naliliinermik tulliuttunit:

  • Suliap ilinniakkatigut imarisaa
  • Sammisamik suliaqarnerup ingerlannera
  • Suliaq inigaq, tassunga ilanngullugit ilusilernera saqqummiunneqarneralu
  • Qulaani taaneqartut ataqatigiissusaat.

Klassip ilinniartitsisuisa atuartut suleqatigalugit sammineqartussaq ukiut tamaasa 1. februaari nallertinnagu aalajangiunneqartassaaq. Aalajangersimasumik sammisaqarluni suliaq, atuarfiup periarfissiissutigimasaasa iluanni, qanoq ilusilerlugu saqqummiussinissanik qanorlu ilusilersugu ingerlateqqinnissaanik atortut namminneq qinersimasaannik suliamik naammassisamik kinguneqassaaq.

Klassip ilinniartitsisuisa immaqalu ilinniartitsisut allat aalajangersimasumik sammisaqarluni suliaqarnermut tunngatillugu makkununnga ilitsersuissapput:

  • Sammisassap ataatsimik arlalinnilluunniit apeqqutitaqartup erseqqissarnissaanut
  • Aalajangersimasumik sammisaqarluni suliap imarisassaanik killiliinermut
  • Suleriaatsinik misissueriaatsinillu toqqaanermut atuinermullu
  • Atuartitsissutit arlallit imarisaannik periaasiinillu toqqaanermut atuinermullu
  • Najoqqutassarsiorfissanik atortussanillu toqqaanermut atuinermullu
  • Saqqummiusseriaasissamik toqqaanermut atuinermullu
  • Pilersitassamik suliaqarnermut
  • Saqqummiussinissap piareersarneranut saqqummiussinermullu

Atuartut ullunik atuarfiusunik tulleriinnik 3-5-inik paasissutissanik katersuinermut, sammisap suliarineranut, suliamik inaarsarnerannut suliamillu tamakkiisup saqqummiunnissaanut piareersarnerminnut atugassaannik periarfissinneqassapput.

Saqqummiineq atortorissaarutillu

Atuartut suliaminnik naammassinninnerinut uiggiutiinnarlugu saqqummiussisoqassaaq. Atuarfiit namminneq aalajangissavaat:

  • aalajangersimasumik sammisaqarluni sulineq qaqugu pissanersoq,
  • piffissaq, aammattaaq sumi qanorlu saqqummiunneqassanersoq.

Atuartup aalajangersimasumik sammisaqarluni suliami piareersarnerani atuarfeqarfiup atukkiussinnaanikuusai atuartup atorsinnaavai.

Uani paasisaqarnerusinnaavutit ilinniartitsisumullu ilitsersuut aallugu

Atuarfimmi naliliisarneq uppernarsaasiortarnerlu pillugit Namminersorlutik Oqartussat nalunaarutaanni atuarneqarsinnaavoq - kap. 6, § 29.

Ilinniartitsisunut ilitsersuut

3. kl. - Atuartut suliaminnik saqqummiussinissaaat
Takuuk
10. kl. - Aalajangersimasumik qulequtsiilluni suliassaq
Takuuk
Nittartakkat isumassarsiorfissat
Takukkit
Ilikkagassatut pilersaarutit
Kingullermik nutarterneqarpoq: 12. maj 2023