Inuiaqatigiilerinermi misilitsinnerit

Inuiaqatigiilerinermi allattariarsorluni misilitsinneq akunnernik marlunnik sivisussuseqarpoq, atuartitsissummi immikkoortut tamaasa kalluassavai taakkualu tamatigoortumik imarissallugit.

Misilitsinnermut ilaapput suliassiissutit, suliassanik itisilerinerusunik eqqarsaatigisarialinnillu imaqarlutillu naatsunik piviusunut sammisunik imaqartut. Apeqqutit ilaat akissuteqarnissamut arlalinnik periarfissiisunik apeqqutitaqarsinnaapput.

Atuartup Inuiaqatigiilerinermi ilikkagassatut anguniakkanut naleqqiullugu nalorninani allanngorartumillu akissuteqarsinnaanera misilinneqassaaq. Atuartup nammineq isumaliutigisaminut atuartitsissut atorlugu tunngavilersuisinnaanera pingaartinneqassaaq, tassunga ilaalluni atuartitsissummi nassuiaatinut ilusiliunneqartartunik atuineq.

Atortorissaarutit

Suliassiissutit itisileriffiusut, eqqarsaatigisariallit suliarineranni atuartup atuakkat ujarlerfissat, nammineq allattukkat ordbogillu atorsinnaavai.

Meeqqat atuarfianni inaarutaasumik naliliineq pillugu Namminersorlutik Oqartussat nalunaarutaanni atuarneqarsinnaavoq - kap. 9, § 81

Inuiaqatigiilerinermi oqaluttariarsorluni-suliaqarluni misilitsinnermi ilaapput piareersarneq saqqummiussinerlu. Misilitsinneq kisimiilluni imaluunniit annerpaamik pingasuulluni suleqatigiinnikkut ingerlanneqarsinnaavoq.

Atuartup suliassiissutit pillugit nassuiaasinnaassusia, imarisaasunik ilisimariikkaminut sanilliussisinnaassusia, naliliisinnaassusia, paasiniaaqqissaarsinnaanera najoqqutanillu atuisinnaassusia misilinneqassaaq. Taamalu nammineq sammineqartut pillugit ilisimasaminik pissuseqarfiginninnerminillu saqqummiillunilu atuisinnaassusia misilinneqassaaq.

Pisassiissutit

Misilitsinnermut sammisat tamatigoortumik katitikkat quppernerit 30-40-t suliassiissutigineqassapput, atuartitsissutip immikkoortuinik tamanik imaqassallutik.

Misilitsinnermi suliassiissutit tassaassapput allataq, sammisassaq tigussaasoq imaluunniit allatut nalunaaruteqariaatsimut assersuut alla. Misilitsinnermi suliassiissut tassaappat sammisaq tigussaasoq imaluunniit allatut nalunaaruteqariaatsimut assersuut, quppernermik affarmik  ataatsimiluunniit (1/2 - 1) allatamik ilaqartinneqassaaq.

Misilitsissutissat atuartitsinermi atorneqarsimasuussanngillat.

Misilitsinnerup ingerlanneqarnera atortorissaarutillu

Kisimiilluni misilitsinnermi piareersarnermut minutsit 20-40-t atorneqassapput; suleqatigiillu misilitsinnermi minutsit 40-60-it atorneqassallutik. Saqqummiussinermut naliliinissamullu minutsit 20-40-t atorneqassapput.

Atuartoq piareersarnermi nalaani allataqarsinnaavoq, atuakkat ujarlerfissat, namminerlu allatani ordbogillu atorsinnaallugit. Allatat saqqummiussinermi nassarneqarsinnaapput.

Atortorissaarutit

Suliassiissutit itisileriffiusut, eqqarsaatigisariallit suliarineranni atuartup atuakkat ujarlerfissat, nammineq allattukkat ordbogillu atorsinnaavai.

Meeqqat atuarfianni inaarutaasumik naliliineq pillugu Namminersorlutik Oqartussat nalunaarutaanni atuarneqarsinnaavoq - kap. 9, § 82

Inuiaqatigiilerinermi atuartitsissummi misilitsissutinut ilitsersuutip uuma siunertaraa, meeqqat atuarfianni inaarutaasumik naliliinerit pillugit Namminersornerullutik Oqartussat nalunaarutaanni misilitsinnerni piumasaqaatit ersarissarnissaat itisilernissaallu.

Ilitsersuutip misilitsinnerni piumasaqaatit ersarissarneqarnerisa saniatigut inuiaqatigiilerinermi misilitsissutit suliarineqarnerinut imarisaannullu assersuutit arlallit kiisalu atuartitseriaatsit siunnersueriaatsillu inassutigineqartut imarivai.

Ilitsersuut