Ujaasinermi nassaarineqartut

Uani Ilinniusiorfiup ilinniusiai takusinnaavatit. Ilinniusiorfik Ilinniartitaanermut Aqutsisoqarfik-mi ilinniusianik ineriartortitsisarpoq saqqummersitsisarlunilu. Ilinniusiat Kalaallit Nunaanni atuarfinnut akeqanngitsumik agguaanneqartarput.

Allagarsiivimmi paasissutissat piffissaliussanut, alloriarfinni misilitsinnernut, inaarutaasumik misilitsinernut misilitsinnernilu naliliinernut tunngasut maannakkut atuuttut nanisinnaavatit.

Uani Pikialaartitsinermi paasissutissat nassaarisinnaavatit.

Atuartuutivit paasisassarsiorlutik angalanissaannut tapiiffigineqarnissaannut qanoq iliorlutit qinnuteqarsinnaanerlutit uani atuarsinnaavat. Aningaasaliissutit paasisassarsiorluni angalanernut, suliffeqarfinnut pulaarnernut kiisalu suliffiusinnaasut siunissamilu atuartut Kalaallit Nunaanni ilinniarfissatut periarfissaat pillugit atuartitsinernut atorneqarsinnaapput. Qinnuteqarnissamut piffissarititaq killeqanngilaq. Qaquguluunniit qinnuteqartoqarsinnaavoq.

Ilinniartitaanermut Aqutsisoqarfiup allaffii matoqqagallarput, taamaattumillu aqutsisoqarfik pulaartoqarsinnaanngikkallarluni. Sulisumik naapitaqarusukkuit saaffissat attavigikkit.

Alloriarfinni ataasiakkaani ilikkagassatut pilersaarutit alloriarfiit siunertaannik pituttorsimasunik, aammalu atuarfimmi atuartitsissutit atuartitsissutillu qanitariissut siunertaannik pituttorsimasunik, kiisalu atuartitsissutini atuartitsissutinilu qanitariissuni ilikkagassatut anguniagassanik pituttorsimasunik ukuusunik imaqarput: Oqaatsinik atuartitsissutit: kalaallisut, qallunaat oqaasii, tuluit oqaasii (akullerni angajullernilu), allamiut oqaasiisa pingajuattut (angajullerni qinigassatut) Kulturimik atuartitsissutit: Oqaluttuarisaaneq, inuiaqatigiilerineq, upperisalerineq isumalioqqissaarnerlu Pinngortitalerinermik atuartitsissutit: matematikki, pinngortitalerineq aamma uumassusilerineq, fysik/kemii aamma pinngortitaleriffiusumik nunalerineq Mernguernartunik atuartitsissutit: angerlarsimaffimmi suliassat (akullerni angajullernilu), timersorneq silamiinnerlu, nipilersorneq, erinarsorneq aalaneq isiginnaartitsinerlu (angajullerni qinigassatut), eqqumiitsuliorneq illuliortaaserlu (angajullerni qinigassatut), assassorneq, ilusilersuineq, sananeq mersornerlu (angajullerni qinigassatut) IT atuartitsinermi: IT atuartitsissutini atuartitsissutinilu qanitariissuni tamani, aammalu teknologimik paasinninneq, digitalitigut perorsarsimassuseq digitalimilu iliuutsit atuartitsinermi sakkunut ilaapput. Teknologimik paasinninneq (angajullerni qinigassatut). Perorsarsimassutsimik atuartitsissut: inuttut inerikkiartorneq (Takuuk Namminersorlutik Oqartussat nalunaarutaat Atuarfimmi atuartitsissutini atuartitsissutinilu qanitariissuni alloriarfiit siunertaat kiisalu atuartitsissutit siunertaat ilikkagassatullu anguniagassat pillugit)

Kalaallisut atuartitsineq alloriarfinni ukioqatigiiaannilu tamani atuartitsissutaavoq.

Qallunaat oqaasii alloriarfinni ukioqatigiiaannilu tamani atuartitsissutaapput.

Tuluit oqaasii akullerni angajullernilu ukioqatigiiaanni tamani atuartitsissutaapput.

Oqaluttuarisaaneq klassini tamani atuartup ukiuni qulini atuarnerani atuartitsissutigineqassaaq.

Inuiaqatigiilerineq klassini tamani atuartup ukiuni qulini atuarnerani atuartitsissutigineqassaaq.

Matematikki alloriarfinni ukioqatigiinnilu tamani atuartitsissutaavoq.

Pinngortitalerineq alloriarfinni ukioqatigiinnilu tamani atuartitsissutaavoq. Nukarlerni akullernilu pinngortitalerinerup iluani atuartitsissutit immikkut atuartitsissutigineqarneq ajorput. Angajullerni atuartitsissutit uumassusilerineq, fysik/kemii pinngortitaleriffiusumillu nunalerineq immikkut atuartitsissutigineqartarput.

Klassini tamani pinngitsoorani atuartitsissutigineqartarpoq, upperisamullu nassuerutiginninneq sammineqassanngimmat atuartitsinissamut peqataajumanani qinnuteqartoqarsinnaanngilaq.

Inuttut inerikkiartorneq klassini tamani pinngitsoorani ingerlanneqartarpoq.

Timersorneq silamiinnerlu alloriarfinni ukioqatigiiaannilu tamani atuartitsissutaavoq.

Nipilersorneq, erinarsorneq aalaneq isiginnaartitsinerlu minnerni akullernilu ukioqatigiiaanni tamani atuartitsissutaavoq angajullernilu qinigassaalluni.

Eqqumiitsuliorneq illuliortaaserlu minnerni akullernilu ukioqatigiiaanni tamani atuartitsissutaavoq angajullernilu qinigassaalluni.

Assassorneq, ilusilersuineq, ilusilersuineq, sananeq mersornerlu minnerni akullernilu ukioqatigiiaanni tamani atuartitsissutaavoq angajullernilu qinigassaalluni.

Angerlarsimaffimmi suliassat akullerni angajullernilu ukioqatigiiaanni tamani atuartitsissutaavoq.

Teknologimik paasinninneq angajullerni qinigassatut neqeroorutaalluni atuartitsissutaavoq.

Uani Kalaallit oqaasiini atuartitsinissamut siunnersuutit takusinnaavatit.

Uani Danskit oqaasiini atuartitsinissamut siunnersuutit takusinnaavatit.

Uani Tuluit oqaasiini atuartitsunissamut siunnersuutit takusinnaavatit.

Uani Allamiut oqaasii pingajuanni atuartitsinissamut siunnersuutit takusinnaavatit.

Uani Inuiaqatigiilerinermi atuartitsinissamut siunnersuutit takusinnaavatit.

Uani Inuiaqatigiilerinermi atuartitsinissamut siunnersuutit takusinnaavatit.

Uani upperisalerinermi isumalioqqissaarnermilu atuartitsinissamut siunnersuutit takusinnaavatit.

Uani Matematikkimi atuartitsinissamut siunnersuutit takusinnaavatit.

Uani Pinngortitalerinermi atuartitsinissamut siunnersuutit takusinnaavatit.

8. klassimit 10. klassimut atuartut sapaatip-akunnerani klima pillugu sammisaqarnerminni klimap pissusiata allanngoriartornerata Ississumut nunarsuarmullu qanoq kingunerluuteqarnissaa meeqqallu pisinnaatitaaffii pillugit ilikkagaqassapput. Atuartut klima pillugu oqallinnerit pillugit ilisimatinneqartarnissaminnik, taakkununnga peqataasarnerminni tusaaneqartarnissaminnik oqallinnernullu peqataatitaasarnissaminnik misigisimassapput.

Uani Inuttut inerikkiartornermi atuartitsinissamut siunnersuutit takusinnaavatit.

Suliap tunngavilersuutaa tassaavoq Kalaallit Nunaanni meeqqat atuarfianni atuartut patajaattumik internettimik atuinissaannut sakkoqalersinnissaat, internetsikkullu attaveqatigiiffinni pitsaasumik attaveqatigiittarnissaat kiisalu paasissutissanut/tusagassiutinut digitaliusunut isornartorsiorpalaartumik naliliisinnaalersillugit. Sammisap suliarineqarnerani, nuna tamakkerlugu periusissisaq ”Atuarfik digitaaliusoq” aallaavigineqarpoq.

'Erinarsorta' suliniutaavoq periusissiamik 'Atuarfik Digitaliusoq'-mik tunngaveqartoq. Suliniummi meeqqat attaveqaatinik digitaliusunik - soorlu YouTubemik - oqallorissarnermut iluaqutissaasunik atuinissaat siunertarineqarpoq, nipilersukkammi meeqqat pinnguarnerisigut, ilinniarnerisigut ineriartornerisigullu sunneeqataasarput.

Uani Sumiiffinni qinigassani atuartitsinissamut siunnersuutit takusinnaavatit.

Nammineerluni suliamik saqqummiussunerup takutissavaa atuartitsissummi atuartitsissutiniluunniit qanitariissuni ilikkagassatut anguniagassanut toqqakkanut tunngatillugu atuartup angusimasai kiisalu atuartup suliaminut tunniussimassusaa...

Aalajangersimasumik sammisaqarluni suliaqarneq atuartitsissutit atuartitsissutilluunniit qanitariissut arlallit ilikkagassatut anguniagassartaannut tunngasuussapput.  Aalajangersimasumik suliaq aallartinnagu atuartut ilisimatinneqassapput...

Projektilerinerup atuartoq projektimi pilersaarusiugaasimasumi qanoq suliaqarsinnaatiginersoq takussutissaqalersillugulu faginik arlariinnik aallaaveqarluni suliaqarsinnaalersissavaa. Projektilerineq atuartut suliaqarnerminni ineriartortitaat...

mitCFU-mi filmit tv-kkullu aallakaatitat 45.000-nit amerlanerusut isiginnaarsinnaavatit. Atuartitsinermut ilitsersuutit atuartitsininni atorsinnaasatit 2.200-nit amerlanerupput.

Ilinniartitaanermut Aqutsisoqarfiup podcastia uani tusarnaarsinnaavat.

Maani nanisinnaavatit ilinniartitsinermi atortussat timitalerlugit digitaliutillugillu pissarsiarineqarsinnaasut Ilinniartitaanermut Aqutsisoqarfiup atorniarneqarsinnaasunik katersaataaneersut, kiisalu internettikkut isumassarsiorfiusinnaasuneersut.

AtuaRaket LæseRakettenip kalaallisoortaraa faginik tapertariissitsilluni atuartitsinermi atortussaqqissoq, soorlu oqaatsinik atuartitsinermi, inuiaqatigiilerinermi, upperisarsiornermi isumalioqqissaarnermilu, sumiiffimmi qinigassiissutit pillugit sammisaqarnermi kiisalu inuttut inerikkiartornermut piukkunnartoq.

Ilinniartitaanermut aqutsisoqarfimmi teknologiit atuartitsinermi atorneqarsinnaasut uani qimerloorsinnaavatit. Nittartagaq ataavartumik nutarterneqarpoq.

3D printeri maskiinaavoq ilutsinik tredimensionaliusunik plastikki atorlugu printerisinnaasoq. 3D-mik ilusilersuinermi programmi akeqanngitsoq atorneqarsinnaavoq, tinkercad.com tinkercad.com-imut 3D printerimullu Ultimakerimut ilitsersuutit ataani aasinnaavatit.

Film X animation appiuvoq akeqanngitsoq, atoruminartoq meeqqanullu naleqquttoq. Film X atorlugu atuartut animationiliornissaminnut periarfissaqarput. Appi iluaqutigalugu atuartup atortussiat inuttallu uummartissinnaavai, oqaluttualiorlunilu aalatitsinermini, nipilernerani assitaliinermilu. Film X pillugu paasisaqarnerugit atuartitsinissannullu fagimut tunngasunik isumassarsiorlutit.

Bluebot robotiarannguuvoq programmeeriinikkut aqussinnaasat. Aqussinnaavat bluebot-app atorlugu imaluunniit toortakkat qatigaaniittut toortanerisigut. Bluebotip nikinnerit 40-t tungaanut eqqaamasinnaavai, attartuinermilu USB-kabeli ilaasoq atorlugu immersortagaalluni. Paasissutissat amerlanerusut bluebot pillugu videuliami takukkit. Bluebot atorlugu sammisassat PDF-inngorlugit ataani aasinnaavatit.

Book Creator app-iuvoq atuartut atuakkiornermi atorsinnaasaat. Atuakkiorsinnaapput allannertalimmik, assitalimmik, videulimmik, nipilimmik, namminerlu titartakkaminnik.  Atuartitsinermi Book Creator qanoq atorneqarsinnaaneranut siunnersuutit ataani takusinnaavatit. Siunnersuutit ilinniartitsisunit Kalaallit Nunaanni atuarfeqarfinni sulisuniit pilersitaapput. Siunnersuutit illit nammineq Book Creatorernut nuunnissaanut videu ajoqersuut takusinnaavat.

Code-a-pillar robotiuvoq qullugiatut isikkulik programmeeriinikkut aqussinnaasat. Aqussinnaavat atortui ikkussuuttakkat ikkussornerisigut. Attartornermi atortut ikkussuuttakkat arfineq-pingasuusut ilaapput. Illit nammineq atortui ikkussussavatit taamaasillutillu aalajagersinnaallugu qullugiaq qanoq sumullu ingerlassanersoq. Code-a-pillar aammalu programmeeriineq ilikkarluarusukkukkit taava appstoremi akeqanngittumik app-eq aaneqarsinnaavoq. App-eq tuluttuujuvoq, tuluttullu oqaaseqalernissamut aamma ilikkarsaataalluni. Paasissutissat amerlanerusut code-a-pillar pillugu videuliami takukkit. Code-a-pillar atorlugu sammisassat PDF-inngorlugit ataani aasinnaavatit.